Hamiləlik təqvimi

17 Oktyabr 2019 Kateqoriya: Hamiləlik hesablama Müəllif:
Oxuma vaxtı: 1 dəq Oxunma sayı: 1581
Hamiləlik təqvimi foto

9 aylıq hamiləlik ərzində gələcək anaların tez-tez verdiyi suallara bunlar aiddir: indi hansı həftədəyəm? Hamiləlik təqvimi necə qura bilərəm? Hamiləlik cədvəli nədir? Hər həftədə uşaqda hansı dəyişikliklər baş verir və s. Bu məqalədə hamiləlik təqvimi və kalkulyator təqdim edilmişdir. Kalkulyator vasitəsilə hansı həftədə olduğunuzu hesablayıb, təqvimi istifadə edə bilərsiniz.

Öz şəxsi nəticənizi hesablayın:
Sizin nəticəniz:
Aybaşı
05.02.2020

Aybaşının ilk günü

Mayalanma
19.02.2020

Hamiləlik təqvimi şəkil 2 Mayalanmanın baş verdiyi tarix

Hamiləliyin 1-ci həftəsi
12.02.2020

Mamalıq təqviminə görə bu hamiləliyin 1-ci həftəsi sayılsa da, əslində hələ hamiləlik baş vermir. Orqanizm sadəcə bu prosesə hazırlaşır.

Hamiləliyin 2-ci həftəsi
19.02.2020

Qadın adətən tsiklin ortasında, yəni 14-cü gün hamilə qalır.

Hamiləliyin 3-cü həftəsi
26.02.2020

Mayalanmadan bir neçə gün sonra döl yumurtası uşaqlıq divarına yapışır. Artıq Siz rəsmən hamilə sayılırsınız. Körpənin baş beyninin və sinir sisteminin əsası qoyulur. Kiçik ürəyi döyünür.

4-cü həftə
04.03.2020

Hamiləlik təqvimi foto 4Hamiləlik testindən istifadə etmək olar. Lakin müddət kiçik olduğundan test dəqiq nəticə göstərmir. Dölün əzələ sistemi və onurğası tədricən formalaşır. Gözlər, qulaqlar və əllər formalaşır.

5-ci həftə
11.03.2020

Hamiləlik təqvimi foto 4Aybaşı gecikdiyindən hamiləliyə şübhə yaranır. Test və ya hamiləlik analizi aparmaq mümkündür. Dölün əl barmaqları sayılır və seçilir.

 

6-cı həftə
18.03.2020

Hamiləlik təqvimi foto 6Hamiləlik əlamətləri artıq özünü göstərir, ürəkbulanmalar, başgicəllənmələr müşahidə olunur.USM-də döl kisəsi və ürək döyünütüsü (dəqiqədə 140-150 vurğu) izlənir.

7-ci həftə
25.03.2020

Hamiləlik təqvimi foto 7Toksikoz daha kəskinləşir. Dölün üzü formalaşır, kiçik burnu, quyruğu, gözləri, ağızı artıq bilinir. Onun uzunluğu 7-9 mm olur.

8-ci həftə
01.04.2020

Hamiləlik təqvimi foto 8Uşaqlıq böyüyür və tədricən genişlənir. Bu, ginekoloji baxışda müəyyən olunur. Geyimlər bir qədər dar gəlir. Süd vəziləri böyüyür. Döldə süd dişlərinin mayası qoyulur. Onun çəkisi artıq 4 qramdır.

9-cu həftə
08.04.2020

Hamiləlik təqvimi foto 9Bədən quruluşundan hamilə olduğunuz bilinmir. Qanda xorionik qonadotropin o qədər də yüksək deyil. Dəri daha hamar və parlaqdır. Üzdə sızanaqlar yarana bilər. Döl artıq əl barmaqlarını bükə bilir. 

10-cu həftə
15.04.2020

Uşaqlığın ölçüləri 2 dəfə böyüyüb. Hormonların yüksək səviyyəsi əhval-ruhiyyəyə təsir göstərir. Qıcıqlanma, emosionallıq müşahidə olunur. Çəki artır, qalxanvari vəz bir qədər böyüyür, damaqlar həssaslaşır. Döl alnını qırışdırır, bir qədər tərpənir.

11-ci həftə
22.04.2020

Hamiləlik təqvimi foto 11Hamiləlikdən əvvəlki vaxtla müqayisədə maddələr mübadiləsi artıb, qan dövranı sürətlənib, susuzluq hiss edirsiniz. Dölün orqanlarının əksəriyyəti artıq formalaşıb. Bu həftədə o, işığa, istiyə reaksiya verir. 

12-ci həftə
29.04.2020

Hamiləlik təqvimi foto 12Uşaqlığınızın eni 10 sm böyüyüb. Uşaqlıq qarın boşluğuna tərəf qalxmağa başlayır. Ultrasəs vasitəsilə təxmini doğum tarixini dəqiqləşdirmək mümkündür. Dölün əl və ayaqların kiçik dırnaqları əmələ gəlir. Əmmə refleksi yarandığından o, barmaqlarını sorur. Bu periodda döl çox aktivdir.

13-cü həftə
06.05.2020

Hal-hazırda qanınızda kifayət miqdarda hamiləlik hormonları mövcuddur. Tezliklə toksikoz itəcək. Narahatlıq hissi azalacaq. Bu dövrdə virus xəstəliklərinə qarşı ehtiyatlı davranın. Uşağın sağlamlığını qoruyan cift böyüməyə davam edir. Dölün çəkisi təxminən 28 qramdır.

14-cü həftə
13.05.2020

Artıq Siz özünüzü daha yaxşı hiss edirsiniz, enerjiniz get-gedə artır, uşaqlıq hər həftə böyüyür. Qarnınız yuxarı qalxmağa başlayır. Dölün mədəaltı vəzisi insulin sintez edir. Cinsi orqanları formalaşır. Ürəyi gündə 24 litr qanı dövran edir.

15-ci həftə
20.05.2020

Hamiləlik təqvimi foto 15Döl tərəfindən ifraz olunan hormonlar Sizdə saç tökülməsinə səbəb ola bilər. Artıq dölün saçları əmələ gəlir.

16-cı həftə
27.05.2020

Hamiləlik təqvimi foto 16Uşaqlığınız get-gedə genişlənir. Dölyanı mayenin miqdarı 250 ml-dir. Döl ağzını açmağı, mimika göstərməyi bacarır. Sizin ürək döyüntülərinizi eşidir.

17-ci həftə
03.06.2020

Döl və cift sürətli şəkildə inkişaf edir. Siz artıq onun hərəkətini yavaş-yavaş hiss edirsiniz.

18-ci həftə
10.06.2020

 Hamiləlik təqvimi foto 17Dölün hərəkəti intensivləşir. Dölün çəkisi təqribən 200 qram, uzunluğu isə 20,5 sm olur. O, xaricdən gələn səslərə reaksiya verir.

19-cu həftə
17.06.2020

Döldə baş beyin inkişafı aktivdir. O, sizin səsinizi eşitdiyindən körpənizlə danışmağa çalışın.

20-ci həftə
24.06.2020

Qarnınız artıq bilinir. Yatarkən dönməkdə bir qədər çətinlik çəkirsiniz. Siz artıq körpənizin yuxuda və ya ayıq olmasından xəbər tuta bilirsiniz.

21-ci həftə
01.07.2020

Körpənizin qanında kifayət qədər eritrosit mövcuddur. Həmçinin leykositlər əmələ gəlir. Dilində dad məməcikləri inkişaf edib. O, dölyanı mayeni içdikdə marçıldayır. Uşağın həzm sistemi formalaşıb.

22-ci həftə
08.07.2020

Körpə öz bədənini öyrənməyə çalışır, əli ilə ayaqlarını tutur. Sizdə isə bu dövrdə anemiya yarana bilər. Ona görə qidalanma rasionunuza diqqət yetirin.

23-cü həftə
15.07.2020

Körpənin dərialtı qatına sürətlə piy toplanır. Buna baxmayaraq, onun dərisi hələ də qırmızı və bir qədər büzüşmüş görünür. Bu periodda döl çox aktivdir və bu isə Sizi narahat edə bilər.

24-cü həftə
22.07.2020

Çəkiniz get-gedə artır, baş ağrıları, tez-tez sidiyə çıxma, ayaqlarınızda ağırlıq və yorğunluq hissi yaranır. Körpənin piy və tər vəziləri fəaliyyət göstərir. Üz cizgiləri tam formalaşıb, kirpikləri və saçları inkişafını davam etdirir.

25-ci həftə
29.07.2020

Uşaqlığınız futbol topu böyüklüyündə olub, diafraqmaya təzyiq edir. Körpə yumruğunu sıxır, barmaqlarını oynadır.

26-cı həftə
05.08.2020

Körpənin hərəkətini evdəkilər də hiss edir. O, hələki mavi olan və irəlidə rəngini dəyişəcək gözlərini açıb yumur.

27-ci həftə
12.08.2020

Bu həftədən etibarən vaxtından əvvəl doğuş olarsa, körpənin sağ qalma ehtimalı 85%-dir.

28-ci həftə
19.08.2020

Əgər körpə bu həftə doğulsa, hüquqi olaraq qeydiyyata düşür. Onun baş beyin qabığı və şırımları daha da inkişaf edir. Çəkisi 1 kiloqramdan azacıq çox olur.

29-cu həftə
26.08.2020

Körpəniz yavaş yavaş doğulmağa və bətnxarici həyata hazırlaşır. O, artıq bədən temperaturunu idarə etməyi bacarır. Dərialtında piy qatı toplanır.

30-cu həftə
02.09.2020

Otağın işıqlanması yüksək olduqda, körpə oradakı rəngləri seçir. Ailə üzvlərinin səsini tanıyır. Uşaqlıqda yeri dar olduğundan tərpənişləri azalıb. Sizdə isə bel ağrıları artıb. Məsləhətimiz budur ki, yataqdan durmazdan öncə yana fırlanın, sonra qalxın.

31-ci həftə
09.09.2020

Hamiləlik təqvimi foto 30Bel ağrılarınız çox şiddətlənib. Körpənin çəkisi isə təqribən 1.5 kq-dır. Körpə özünə sərbəst yer açmaq məqsədilə başı aşağı dönməyə çalışır. Bu isə Sizin üçün o qədər də xoşagələn hissiyyat deyil.

32-ci həftə
16.09.2020

Körpə ətrafda baş verənləri çox gözəl eşidir. O, Sizin ürək döyüntülərinizi duyur. Axşamlar uşağınıza mahnı oxuyun, nağıl danışın. O, artıq hər şeyi başa düşür.  

33-cü həftə
23.09.2020

Döldə doğuşdan sonra ona rahat nəfəs almağa kömək edəcək xüsusi maddə – surfaktant əmələ gəlir. Bu dövrdə körpə artıq başı aşağı dayanaraq, doğulmağa hazırlaşır.

34-cü həftə
30.09.2020

Körpə yediyiniz qidaların dadına alışır. Onun dad hissiyatı kifayət qədər inkişaf edib. Sizin qarın nahiyənizdə arabir tutmaşəkilli sancılar başlayır.

35-ci həftə
07.10.2020

Hamiləlik təqvimi foto 35Bu həftədə körpənin dırnaqları barmaq uclarına qədər inkişaf edib. Doğulduğu gün dırnaqların təsirindən üzündə çırılmalar ola bilər. Onun çəkisi orta hesabla 2 kq 200 qr-dır.

36-cı həftə
14.10.2020

Körpənin üzü ovaldır. Toppuş yanaqları əmələ gəlib. Döl barmaqlarını sorur. Sizdə isə ara-sıra sancılar artır.  

37-ci həftə
21.10.2020

Körpənin başı çanağa enir. O, tənəffüs hərəkətlərini edə bilir. Çəkisi 2 kq 400 qrama çatır. 

38-ci həftə
28.10.2020

Axırıncı həftələrdə körpənin bağırsaqlarında qaramtıl-yaşıl rəngli nəcis yığılır. 

39-cu həftə
04.11.2020

Uşaqlıq boynu qısalır və genişlənir. Sidik kisəsinə təzyiq artır. Körpə hər gün 28-30 qram artır. Doğuş vaxtının yaxınlaşması ilə əlaqədar Sizdə nevroz yarana bilər.

40-cı həftə
11.11.2020

Doğuş vaxtını gözləyərkən əsla həyəcanlanmayın. Tutmalar başladıqda düzgün tərzdə nəfəs alıb-verin. Doğuş çantanızı yoxlayın.

41-ci həftə
18.11.2020

Əgər körpə hələ də doğulmayıbsa bu artıq onun bətndə normadan çox qaldığının əlamətidir.

42-ci həftə
25.11.2020

Hamilələrin yalnız 10%-i bu həftəyə qalır. Ola bilər ki, hamiləlik müddətiniz düzgün hesablanmayıb. Həkiminizlə danışın, doğuşu stimulyasiya etdirin.

43-cü həftə
02.12.2020

Vaxtından keçmiş hamiləlik 

44-cü həftə
09.12.2020

Hamiləlik təqvimi foto 40Təxmini doğuş vaxtı

Bu yazını paylaşın:
Yazını qiymətləndirin: