Hamiləlik yoqası 

20 Sentyabr 2019 Kateqoriya: Hamiləlik Müəllif:
Oxuma vaxtı: 4 dəq Oxunma sayı: 30
Hamiləlik yoqası şəkil

Son zamanlarda hamiləlik yoqası çox aktualdır. Yoqa ilə öncədən məşğul olanlar hamiləlik yoqası hərəkətlərini asanlıqla edə bilərlər.     

Hamiləlik yoqası – xatxa yoqa – II trimestr 

Bu dövrdə hamiləlik yoqası kompleksinə ayaqda asanalar aiddir. Asana – yoqa terminologiyasında “poza” mənasını verir. Hərəkətlərin ardıcıllığını elə tənzimləmək lazımdır ki, ayaq üstə pozalardan sonra oturaq vəziyyətdə hərəkətlər gəlsin. Bu, varikozun profilaktikası üçün zəruridir.

Oturaq pozalar kiçik çanaq orqanlarının fəaliyyətini normallaşdırır, böyrəküstü vəziləri stimulasiya edir. Yüngül fırlanmalarla uzanmaq onurğa sütununda fəqərəarası oynaqların elastikliyini təmin edir.  

Hamiləlik yoqası şəkil 1

II trimestrdə ən məhşur pozalar 

Sukxasana (rahat poza)   

Bu poza başlanğıc və son üçün ideal asanadır. Oturaraq ayaqlarınızı bir birinə keçirdin – bardaş qurun. Sukxasana nəfəs hərəkətlərinin edilməsi üçün əsasdır. O, həmçinin bel əzələrinin güclənməsi, bud-çanaq oynaqlarının açılması üçündür. 

Hamiləlik yoqası – Setu bandxa sarvanqasana pozası  

Pozanın müxtəlif variasiyaları mövcuddur. II trimestrdə bu hərəkət stul ilə daha rahat yerinə yetirilir. Xalçanın üzərinə kiçik döşəkçə atın. Orada elə uzanın ki, başınızın arxa hissəsi və çiyinləriniz xalçaya toxunsun. Baldırlarınızı isə stulun oturacağına qoyub, bu vəziyyətdə 5 dəqiqə qalın. Vaxt bitdikdən sonra yan tərəfə uzanaraq dincəlin. Bu hərəkət bel və ayaq əzələlərini gücləndirir.        

Hamiləlik yoqası şəkil 2

Hamiləlik yoqası – Adxo mukxa şvanasana (başını aşağı salmış it pozası)

Ayaqları çiyin bərabərliyində açın, dizləri yüngülcə büküb, əllərinizi döşəməyə qoyun. Pəncə və ovuclar bir-birinin qarşısında düz xətt boyunca durmalıdır. Sonra onurğanı düzləşdirin və dizləri açın. Onurğa, baş və boyun tək cizgi əmələ gətirməlidir. Bu pozada 1 dəqiqə dayanın.

Daha sonra dincəlin. Adxo mukxa şvanasana ilə həzm sistemi normallaşır, qəbizlik azalır. Ayaqlar və çiyin qurşağı güclənir, gərginlik azalır.

Hamiləlik yoqası şəkil 3

Hamiləlik yoqası – Bxaradvadcasana pozası

Poza müdrik Bxaradvadcinin şərəfinə adlandırılmışdır. Hərəkətlər stulun köməyilə yerinə yetirilir. Stulda diaqonal vəziyyətdə elə oturun ki, sol tərəfə dönmək asan olsun. Ayaqlarınızı döşəməyə paralel dayayın.

Sonra yuxarı dartılın. Sola dönün və 10-15 saniyə bu pozada qalın. Eyni hərəkətləri sağ tərəfə təkrarlayın. Asana onurğanın aşağı hissəsini möhkəmləndirir, stressdən qurtulmağa kömək edir.  

Hamiləlik yoqası şəkil 4

Hamiləlik yoqası – Ardxa uttanasana pozası 

Ayaqüstə duraraq, yarımçıq önə əyilmə dayaq vasitəsilə edilir. Bu dayaq qadının boyu ilə eyni hündürlükdə olmalıdır. Pəncələri çiyin enində açın. Bədəninizi önə əyin, alınınızı dayağa dirəyin. Əllərinizi qabağa uzadın. Bu pozada 30 saniyə qalın. Ardxa uttanasana sinir sistemini tonuslandırır, arterial təzyiqi normallaşdırır. 

Hamiləlik yoqası şəkil 6

Hamiləlik yoqası ilə evdə məşqul olmaq üçün nələri bilmək vacibdir? 

Otaq geniş və havalandırılmış olmalıdır. Hərəkətləri ehmalca etmək lazımdır. Əzələ və bağları gərginliyə salmaq olmaz. Hərəkətin izahında 30 saniyə yazılıbsa, onu 1-2 dəqiqəyə qədər uzatmaq olmaz. Əgər bu pozaları yerinə yetirərkən qarında ağrılar olarsa, hamilələr üçün nəzərdə tutulan digər məşqlərı sınayın.    

Bu yazını paylaşın:
Yazını qiymətləndirin:
Şərhlər

Bir cavab yazın

Sizin e-poçt ünvanınız dərc edilməyəcəkdir.