Hamiləlik haqqında

07 Oktyabr 2019 Kateqoriya: Hamiləlik Müəllif:
Oxuma vaxtı: 5 dəq Oxunma sayı: 61
Hamiləlik haqqında şəkil

Hamiləlik – qadının yalnız fiziki vəziyyətinə deyil, daxili aləminə də təsir edən dövrdür. Bu məqalədə hamiləlik haqqında daha öncə bilmədiyiniz ən maraqlı, qeyri-adi faktları toplamışıq.

Hamiləlik haqqında faktlar

  1. Hamiləlik müddəti orta hesabla 280 sutkadır. Bu 10 mamalıq ayına bərabərdir.
  2. Cinci əlaqəyə girdikdən sonra ilk menstrual tsikldə hamilə qalma ehtimalı yalnız 25%-dir.
  3. Hamiləlik hallarının 10%-i spontan abortla (düşüklə) nəticələnir. Ancaq qadınların bir çoxu bunu menstruasiya gecikməsindən sonra baş verən normadan çox qanaxma kimi qəbul edir, düşükdən şübhələnmir.
  4. 38 həftədən tez doğulan uşaqlar sağlam olsalar da natamam inkişaf etmiş sayılırlar.

Hamiləlik haqqında qeyri-adi məlumatlar

  1. Tarixdə ən uzun hamiləlik 375 sutka davam etmişdi. Bununla belə uşağın çəkisi normal idi.
  2. Tarixdə rast gəlinən hamiləlikdlərdən ən qısası 23 həftə sürmüşdü. Körpənin əlləri boyuna nisbətən bir qədər uzun olsa da o, sağlam doğulmuşdu.
  3. Hamiləliyin başlanğıcı təxmini mayalanma tarixindən deyil, axırıncı menstruasiyanın 1-ci günündən hesablanır.
  4. Çoxdöllü hamiləliklər tək və ya çoxsaylı yumurtahüceyrənin mayalanması nəticəsində yaranır.
  5. Eyni yumurtahüceyrə əkizlərinin xarici görünüşü oxşar olur. Bu da genotiplərin eyni olması ilə izah edilir.
  6. Üçəmlər eyni və müxtləif cinsli doğula bilər. Onların xarici görünüşləri heç də həmişə oxşar olmur.

Hamiləlik haqqında şəkil 1

Hamiləlik haqqında fakt №11-15

  1. Tarixdə hamilə qadında yenidən ovulyasiya nəticəsində aralarında 2 ay intervalla uşaqlar doğulub.
  2. Hamilə qadınların 80%-də erkən dövrlər toksikozla, 20%-də isə simptomsuz keçir.
  3. Erkən toksikoz normal sayılsa da, axırıncı trimestrdə gecikmiş toksikoz doğuşun stimulyasiyası və ya Qeysəriyyə əməliyyatı üçün əsasdır.
  4. I və II trimestrdə saçların uzanması sürətlənir. Bu da hormonal dəyişikliklərlə bağlı olur.
  5. 5-6 mamalıq həftəsində embrionun ürək döyüntüsünün sayı 1 dəqiqədə 130-140 olur.

Hamiləlik haqqında maraqlı faktlar

  1. Başlanğıcda insan embrionu quyruğa malik olur, ancaq 10-cu həftədə o itir.
  2. Hamilə qadın 2 nəfərin əvəzinə deyil, 2 nəfər üçün qidalanmalıdır. Yəni yediklərinin kəmiyyəti yox, keyfiyyəti önəmlidir. Qida rasionu vitamin, zülal və faydalı karbohidratlarla zəngin olmalıdır.
  3. Körpə ilk dəfə 8-ci həftədə hərəkət edir. Lakin ana bu tərpənişləri 18-20 həftələrdə hiss edir.
  4. İkinci və sonrakı hamiləlikdə ana dölün hərəkətini 2-3 həftə daha tez hiss edir.
  5. Körpə ana bətnində fırlana, hoppana, uşaqlığın bir divarından o birinə itələnə, göbək ciyəsini əli ilə tutaraq oynaya bilir. Həmçinin gülümsəmə, dil çıxarma kimi mimikalar göstərə bilir.

Hamiləlik haqqında şəkil 2

Hamiləlik haqqında fakt №21-25

  1. Qız və oğlan uşaqlarının cinsi orqanları 12 həftəyə qədər eyni görünür, bu müddətdən başlayaraq differensiasiyalaşır.
  2. Uşağın cinsini 16-cı həftədə ultrasəs müayinəsi ilə aydın seçmək mümkündür.
  3. Qarnın forması, toksikoz və digər hamiləlik əlamətləri dölün cinsi ilə əlaqəli deyil.
  4. Hamiləliyin 20-21-ci həftəsindən döldə dad hissiyatı əmələ gəlir. Dölyanı mayenin dadı ananın qidalanmasından asılı olaraq dəyişir.
  5. Döl 24-25-ci həftədən xarici mühitdəki səsləri eşidir, musiqini fərqləndirir.

Hamiləlik haqqında gerçəklər №26-30

  1. Amniotik mayenin tərkibindəki duzun miqdarı dəniz suyu ilə eynidir.
  2. Hamilə qadının qarını 20 həftəyə qədər bəlli olmur, yəni ətraf insanlar tərəfindən seçilmir.
  3. İlkin hamiləlik zamanı qarnın ölçüsü daha ləng böyüyür.
  4. Doğuşa yaxın uşaqlığın çəkisi 10-20 dəfə (50-100 qramdan 1 kiloqrama qədər) artır.
  5. II-III trimestrdə qadının ayaqqabı ölçüsü 1 vahid böyüyür. Bu, ödem və şişkinliklə əlaqəlidir.

Hamiləlik haqqında fakt №31-35

  1. Hamilə qadınlar orta hesabla 10-15 kq çəki artırır.
  2. Hamilələrdə dərman qəbuluna təkcə həkim tərəfindən icazə verilir.
  3. Dölün çəkisi ananın qidalanmasından o qədər də asılı deyil. Çox vaxt kök qadınların 3 kq-dan az çəkili körpələri doğulur. Bəzən isə arıq qadınların körpələri 4 kq-dan ağır olur.
  4. Ən iri körpənin doğulma faktı İtaliyada qeydə alınmışdır. Onun boyu 77 sm, çəkisi isə 11 kq təşkil edirdi.
  5. Koreyada belə bir maraqlı adət var. Orada insanın yaşına ana bətnində olduğu müddəti də əlavə edilir. Ona görə də koreyalılar digər ölkələrdəki yaşıdlarından 1 il böyük olur.
Bu yazını paylaşın:
Yazını qiymətləndirin:
Şərhlər

Bir cavab yazın

Sizin e-poçt ünvanınız dərc edilməyəcəkdir.